DANOS OCASIONADOS POR ANIMAIS SOLTOS

PASOS A SEGUIR:

1º.- Chamar á Policía Local do Concello de Vigo para que envíen unha patrulla rural ó lugar.

Tlf: 986810101 // 092

A policía emitirá un informe.

2º.- Presentar unha Denuncia Administrativa no Concello de Vigo, ben por rexistro ou ben na 2ª planta, OMIC, ou por ambos medios.

A denuncia administrativa é para que o Concello envíe unha patrulla de xeito periódico á zona para controlar a situación e evitar calquera tipo de incidente cos animais que andan ceibos.

A denuncia administrativa é un procedemento “amistoso” coa finalidade de chegar a un acordo co propietario do animal ou animais.

3º.-Presentar unha demanda civil ou penal.

O Concello non dispón de asesoría xurídica as asociacións.

A día de hoxe estamos tratando de conseguir contar con Asesoría Xurídica dentro da Asociación

RETENCIÓN DE ANIMAIS:

Reter un animal para mostrarllo á patrulla do SEPRONA ou para tomar nota da identificación, é correcto, sen embargo a retención por un período máis longo, pode traer problemas.

Nota: Cando o animal que ocasiona os danos non ten identificación o procedemento a seguir é o mesmo, é misión da policía atopar ó propietario e sancionalo por non ter correctamente identificado o animal.

A día de hoxe a Xunta di que non se fai responsable, que están tratando de regularizar a situación elaborando un rexistro do gando e recomenda presentar unha denuncia na Garda Civil, no Servicio de Protección a Natureza (Seprona), chamando ó 062 para que acudan ó lugar e despois presentar unha denuncia na Garda Civil.